Skilplein

De twadde Kristelike skoalle yn Easterein waard oprjochte yn 1870. It gebou waard setten troch Johannes Pieters Dijkstra, Meester timmerman te Welsryp, foar de som fan fl. 2395,-  G. Koster krige it ferverswurk foar fl. 98,- De skoalle kaam te stean op de grûn fan Rienk Reinders Sybrandy, de grûn waard foar 12 jier hierd.

Op 17 oktober 1870 waard de nije kristlike skoalle yn dit gebou iepene. Om ien oere sieten master Langhout en de bern al yn it lokaal en om twa oere wiene der goed 300

Op 1 desimber 1892 ferhuze de kristlike skoalle opnij. Sa’n tritich meter fierderop oan it Skilplein. Dit gebou hat 61 jier tsjinst dien as skoalle en is sluten yn 1953. Fanôf 1955 ha de Vellinga’s harren fourage hannel en fee transportbedriuw der yn útoefene. Yn 1983 is it gebou ôfbrutsen en binne der twa nije wenten op set. De Vellinga’s ha in nij bedriuwspân bouwe litten oan de Sibadawei.

De earste iepenbiere skoalle yn Easterein stie op it Skilplein 1. Untstien mids 19e iuw. Yn 1848 waard de grûnwet oanpast. Underwiis moast frij wêze. Dat waard befêstige yn 1857 met de nije skoallewet. Sa kaam der in iepenbiere skoalle yn Easterein. Yn 1884 is de skoalle oan it Skilplein sluten, om’t der oan de Wynserdyk 39 in nije iepenbiere skoalle boud wie. Troch in werom rinnen fan de learlingen is de skoalle oan de Wynserdyk sluten op 1 april 1934. De bern gongen dêrnei nei Itens nei skoalle. Letter hat de skoalle de funksje krigen as gymn

Sandstra  

De famylje Sandstra wennet al generaasje lang yn Easterein. Doe ’t yn 1811 de registraasje fan de famyljenamme ynfierd waard, hawwe in tal harren ynskriuwe litten mei in Z en in pear oaren mei in S. De ôfstamming is fan de selde foarfaar en mem. By it útsykjen fan de famylje bin ik in pear bysûndere saken tsjinkaam. De stamheit en mem komme oarspronklik fan Gau.

Der binne meardere Sandstra famyljes yn Easterein kommen te wenjen. En hja hiene deselde foarnammen. Ien fan de famyljes fersoarge it ferfier mei de stoomboa

It part fan it doarp oan de eastkant fan de tsjerke (Skilplein, in part fan `t Heechhiem, de ferbining tusken Skilplein en De Streek) waard eartiids de `Achterbuorren` neamd. Dit yn tsjinstelling ta de Foarbuorren oan de westkant fan de tsjerke. It Skilplein wie it sintrale punt fan dy Achterbuorren. Om `t de skoallen jierrenlang om it Skilplein stiene, waard de namme Skoalplein ek faak brûkt. It Skilplein hie as boaiumbedekking skil en dat wie fynmakke skulpen. Letter waard der ek wol grint brûkt en noch wer letter (plm 1952) is it plein yn `e mande mei de Skippersbuorren fluor